Plantun de Prouvènço

Pèr coumpara dos planto d'encò nostre

Eriobotrya japonica & Fraxinus ornus

Neflié

Eriobotrya japonica

Rosaceae

Àutri noum : Nespié, Gnaspié, Nesplié, Nespoulié.

Noms en français : Néflier du Japon, Bibacier.

Descripcioun :
Lou neflié dóu Japoun que fau pas counfoundre emé lou "vertadié" nespié, Crataegus germanica, es un aubret, o un pichot aubre planta que pòu resta de tèms en plaço sènso se naturalisa. Èi proun couneigu emé si nespo aranjo goustouso à manja. Flouris en autouno o à la debuto de l'ivèr.

Usanço :
Lou sirop de nesflo es adouba en Chino pèr apasima lou tussi e la brouchito. Au Japoun se n'en servon pèr sougna li mau de pèu (raumido...).

Port : Aubret
Taio : 2 à 6 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Eriobotrya
Famiho : Rosaceae

Ordre : Rosales

Coulour de la flour : Blanco
Petalo : 5
Ø (o loungour) enflourejado : 5 à 15 cm
Flourido : Autouno - Ivèr

Sòu : Ca
Autour basso e auto : Pancaro entresigna
Aparado : Noun
Óutobre à janvié

Liò : Pargue
Estànci : Termoumediterran à Mesoumediterran
Couroulougi : Óurigino Asìo-Èst
Ref. sc. : Eriobotrya japonica (Thunb.) Lindl., 1821

Frais-di-flour-blanco

Fraxinus ornus

Oleaceae

Autre noum : Frais-de-la-mauno.

Noms en français : Frêne à fleurs, Orne.

Descripcioun :
Pichot frais que trachis dins li relarg umide e caud. Se recounèis à si flour blanco qu'an de lòngui petalo primo. Li fueioun soun pu larg qu'encò lou frais, Fraxinus excelsior.

Usanço :
Es un aubre qu'es esta planta dins mant'un relarg. A l'incisioun, s'escoulo uno meno de mauno blanco qu'a un goust sucra (sèbo), proun utilisado en Sicilo. La mauno èi lachativo e vertuouso pèr apasima la pèu. Ei di proun utilisado pèr d'ùni crèmo.